Overblog Suivre ce blog
Editer l'article Administration Créer mon blog
24 janvier 2011 1 24 /01 /janvier /2011 01:53
اول مرة ملّي بديت نكتب في هالمدونة نستعمل الدارجة. السبب في الحقيقة هو بحثي للتقرب اكثر لكل القراء خاصة في الظرف هذا إلي تعرفو بلادنا. مانيش بش ندخل برشة في الجدل السياسي بقدر ماني مش نوصف في تصرف اتبعو البعض (و نقول البعض باش منعممش) منذ الفترة الاخيرة. التصرف هذايا هو قلة الصبر !
تنجمو تستنتجو من المدونة متاعي إلي ما عندي حتا لون سياسي عالاقل حتى لتوة. اي كل ماني بش نقولو متجرد و جا بعد تفكير طويل. و حبيت ناخذ وقتي باش ما نسقطش في فخ قلة الصبر إلي ندد بيه. في الواقع قلة الصبر هاذي ظاهرة جديدة علينا كشعب بصفة عامة لولا اقلية كيما الطرابلسية و بن علي و اتباعهم إلي حبو ينهبو في اوقات قياسية بالنظر لامتداد فسادهم. جديدة لانو كان نرجعو مثلا للحِكم الشعبية إلي للتو تسيّر جملة من اعمالنا فإنو نستخلصو منها إلي قلة الصبر حاجة مش منصوح بيها و حتى موش مقبولة، نعطيكم امثلة : الصوف يتباع بالرزانة ولّا الصبر مفتاح الفرج و حتى امثال تعتبر معاصرة شوية كيما
 اصبر تو تشيخ. إلي نستنتجوه هو انو اجدادنا حثونا عالتريث خصوصا فالمواقف الصعبة. و ما اصعبو موقف هلي نمرو بيه تو كشعب و كبلاد. مانحبش نرجع للي صار من 17/12/2010 ل 14/01/2011 إلي كان انتفاضة واعية (بحكم الشعارات المرفوعة) و غريزية (بحكم القمع المُسلط) في آن واحد والاهم إن الصفوف الشعبية كانت موحدة. و لكن نحب نحكي اكثر عالفترة إلي تلات.
لاحظنا تشتت في القوى الشعبية و ما حصلتش التعبئة و كان خارطة التشتت 
 تتبدل يوم بعد يوم!
مانيش باش نتوقف برشة على اسباب و نتائج التشتت ظاهرلي لكل نعرفوها : اسباب كيما اطراف تظن (بباطل او غير باطل) انو الثورة وفات, و اطراف اخرى تقول إلي لم تُشفي غليلها بعدُ إلا بعد اسقاط الحكومة المؤقتة. النتائج كيما توَتُّر اجتماعي بحكم انو البعض ولّا يخاف لا يتم احتواء الثورة من اطراف معينة (اسلاميين، تجمعيين...) و كذلك كنتيجة أُخرى هو الخلاف بين النقابة و الحكومة المؤقتة إلي قد يخلّف انشقاق داخل الاتحاد النقابي في حد ذاتو.
انا انسان يعشق البرڤماتيكية و باش نبيْنلكم العشق هذا !
مردُّ قلة الصبر هو انعدام الثقة أيْ لا يريد البعض فسح المجال للحكومة هاذي خوفا من ان تكون لبعض اعضائها نويا مبيْتة (اتلاف اوراق، طمع في السلطة...) و لكن لازم علينا سواء حبينا ولّا كرهنا إنو البلاد تقدم باقتصادها، بتعليمها و بادارتها و بالتالي يلزم استرجاع الثقة. كيفاش؟
الوساطة، نعم الوساطة !
لكن على أي وساطة نتحدثو ؟ وساطة من الداخل أو وساطة من الخارج ؟ بكل صراحة نستبعد الوساطة الخارجية المعلنة لسبب بسيط إنّو الثورة و الانتفاضة كانت تونسية و قادها تونسيون دون تدخل اجنبي مُعْلَن (ممكن امريكي ستكشف لنا الايام مدى صحة الخبر) الحاصل الوساطة داخلية او لا تكون أي تونسية تونسية. مرّة اخرى تسألوني كيفاش؟
يلزم رموز البلاد إلي قدمو في السابق الشيء الكثير لهذا الوطن يعاودو يتجندو. الرموز هذيّ لازمها تكون مستقلة قدر الامكان و خاصة تكون نظيفة الايدي. و نزيدكم من جملة اوصافها انها تكون متكونة من اجيال متعددة تُوصِل بينا لبُناة الدولة الحديثة والأهم إنّو تُكَوِّن روحها بروحها أي بمبادرات شخصية لا بتدخل من الحكومة الحالية. و ستلعب هذه اللجنة ادوار متعددة عَلَّ ابرزها :
* كسب ثقة الاطراف الفاعلة حاليا على الساحة السياسية من حكومة و نقابة و احزاب معترف بها و غير المعترف بها و بالتالي كسب ثقة الشعب من جراء التهدئة إلّي بش تاقع.
*  الظغط على الحكومة حتى يتم استبعاد الاشخاص الغير مرغوب فيهم.
* الظغط على النقابة للالتزام بضرورة إرجاع الدورة الاقتصادية لما كانت عليه.
* الانفتاح على الرأي العام بشتى الوسائل.
* التنبيه بالاخطاء إلي قد تاقع فيهم الحكومة المؤقتة حتى تتجنبها.
...
منجمش نحصر كل شيء أما هذايا كان بسطة على مشمولات هاللجنة ولا الهيئة كيما تحبو !
و نحب نكمل فكرة انعدام الصبر ببيت شعري نخليكم تستخلصو معناه وحدكم :
وقلّ من جدّ في أمر يحاوله *** واستصحب الصبر إلا فاز بالظفر 

 

http://www.smctom-hautedordogne.fr/upload/editorHTML/emballage/boite-de-conserve.jpg

Partager cet article

Repost 0
Published by kalbsouk - dans analeasy
commenter cet article

commentaires

Mohamed Ben Sassi 25/01/2011 16:06


Je m'excuse, je voulais écrire Pragmatique et non Démagogie!


kalbsouk 24/01/2011 02:51


Pour ce qui est de la photo, il faut revenir au titre du post !


Mohamed Ben Sassi 24/01/2011 02:43


J’apprécie votre article d'autant plus qu'il est écrit d'une manière à être accessible à tout le monde et d'autant plus qu'il reflète assez bien votre Démagogie, en proposant une la solution, celle
de la médiation, dont l'éventuelle réussite émane de notre culture (nous Tunisiens), qui n'est autre le respect du plus âgé et du plus expérimenté.
J'apprécie aussi, le fait que vous n'êtes pas tombé dans le jugement de tel ou tel comportement d'une partie du peuple, vis à vis des changements politiques récents.
Sinon, pour nuancer mon commentaire, je ne comprend pas la symbolique de la photos illustrant cet article :))

Salam


Présentation

  • : Le blog de kalbsouk
  • Le blog de kalbsouk
  • : Je suis Jeune et Tunisien à la fois, c'est rare de nos jours avec les ravages que fait le tabac. Le comble c'est que je fume .... à méditer.
  • Contact

Follow me on Twitter

twitter-peacock.png

Recherche

CheckPoint


<script type="text/javascript" src="http://feedjit.com/map/?bc=E8F6BE&amp;tc=666666&amp;brd1=C4C4C4&amp;lnk=666666&amp;hc=7F7F7F"></script><noscript><a href="http://feedjit.com/">Feedjit Live Blog Stats</a></noscript>

........................

<a href="http://tuniblogs.com" title="Tuniblogs - Blogs Tunisie" id="ef05ae7"><img src="http://tuniblogs.com/images/1.gif" /></a>

<script type="text/javascript">

 

  var _gaq = _gaq || [];

  _gaq.push(['_setAccount', 'UA-22112278-1']);

  _gaq.push(['_trackPageview']);

 

  (function() {

    var ga = document.createElement('script'); ga.type = 'text/javascript'; ga.async = true;

    ga.src = ('https:' == document.location.protocol ? 'https://ssl' : 'http://www') + '.google-analytics.com/ga.js';

    var s = document.getElementsByTagName('script')[0]; s.parentNode.insertBefore(ga, s);

  })();

 

</script>